ا ق ش- تىڭ 2018 -جىلداعى قورعانىس بيۋدجەتى الەم ەلدەرىن قورقىتتى

استانا. قازاقپارات - قۇراما شتاتتىڭ كەلەسى جىلعى قورعانىس بيۋدجەتى الەم ەلدەرىن تىكسىندىردى. ا ق ش سەناتى 2018 -جىلعى قۇراما شتاتتىڭ قورعانىسقا بولگەن بيۋدجەتى 692 ميلليارد دوللار بولادى دەپ بەكىتتى. بۇل تۋرالى «شينحۋانىڭ» رەسمي سايتى جازدى.

وسىدان بۇرىن، وكىلدەر پالاتاسى 2018 -جىلدىڭ بيۋدجەت زاڭىنا قول قويعان بولاتىن. ا ق ش سەناتىندا 89 مۇشەسى قولداپ، 8 ادام قارسى داۋىس بەرگەن.

 زاڭ جوباسىن پرەزيدەنت ترامپتىڭ ماقۇلداۋىنا جىبەرمەس بۇرىن، كونسۋلتاتسياعا قاتىسۋ ءۇشىن ەكى كونفەرەنسيا كوميتەتىنىڭ قايتا قارۋىنا تاپسىرىلعان. سەناتتىڭ 2018 قارجى جىلىنداعى قورعانىس زاڭىنا سايكەس، پەنتاگون قارۋ- جاراق دامىتۋ جانە ساتىپ الۋ ءۇشىن 640 ميلليارد ا ق ش دوللارى كولەمىندەگى قارجىنى الادى دەپ بەلگىلەنگەن. بۇنىڭ ىشىندە اسكەرلەردىڭ جالاقىسىن تولەۋ جانە تاعى باسقا دا جۇمسالاتىن قارجىلار دا قامتىلعان.

 مالىمەتتەرگە قاراعاندا، ا ق ش- تىڭ اۋعانستانداعى، يراك پەن سۇرياداعى اسكەرلەرىنە بولىنەتىن قارجى كولەمى 6 ميلليارد ا ق ش دوللارى كولەمىندە بولادى. ا ق ش- تىڭ قورعانىسقا بولەتىن قارجىسى وزىنەن كەيىنگى 8 ەلدىكىن قوسقانداعى قارجىدان دا اسىپ تۇسەدى. وسىعان دەيىن دە ا ق ش- تىڭ قورعانىس بيۋدجەتى 640 ميلليارد دوللار بولىپ كەلگەن.

فوتو: americanmoocher.com.

http://qazaqtimes.com