+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

كورەيالىق دەپۋتاتتار ەكسپو-2017 نىساندارىنا جوعارى باعا بەردى

14 ناۋرىز 21:31 95
ءبولىسۋ:
كورەيالىق دەپۋتاتتار ەكسپو-2017 نىساندارىنا جوعارى باعا بەردى

استانا. قازاقپارات - بۇگىن قازاقستانعا رەسمي ءىس- ساپارى اياسىندا كورەيا رەسپۋبليكاسىنىڭ دەپۋتاتتارى، ۇلتتىق اسسامبلەياسىنىڭ ءتوراعاسى چون سە گيۋننىڭ باستاۋىمەن «نۇر الەم» - «بولاشاق ەنەرگياسى» مۇراجايىنا كەلدى. بۇل تۋرالى قازاقپارات كومپانيانىڭ باسپا ءسوز قىزمەتىنە سىلتەمە جاساپ حابارلايدى.

ولارعا ەلىمىزدىڭ باستى كورىكتى نىسانىنا ەكسكۋرسيا وتكىزىلدى.

«نۇر الەم» ەكسپوزيسيالارىمەن وڭتۇستىك كورەيانىڭ پارتيا وكىلدەرى، سونداي- اق، كورەيا رەسپۋبليكاسىنىڭ ۇلتتىق اسسامبلەياسى سىرتقى ىستەر جانە بىرلەستىگى، ايەل جانە وتباسى، ۇلتتىق ساياسات، ستراتەگيا جانە قارجى، ءبىلىم، مادەنيەت، سپورت جانە تۋريزم جونىندەگى كوميتەت مۇشەلەرى تانىستى.

قازاقستان جاعىنان قوناقتاردى ق ر پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو مەن «استانا ەكسپو-2017» ۇلتتىق كومپانياسى» ا ق باسقارما ءتوراعاسىنىڭ ورىنباسارى اللەن ءشايجۇنىسوۆ قارسى الدى.


كورەيالىق دەپۋتاتتار ەكسپو-2017 نىساندارىنا جوعارى باعا بەردى

ەكسكۋرسيا بارىسىندا وڭتۇستىك كوريالىق دەپۋتاتتار ەكسپو-2017 مۇراسى نىساندارى مەن ۇلتتىق كومپانيا قىزمەتىنە جوعارى باعا بەردى.

چون سە گيۋن مىرزانىڭ ايتۋىنشا، تانىمدىق كوزقاراس جاعىنان «نۇر الەمدى» ارالاۋ وتە پايدالى دا، قىزىقتى بولدى.

«بۇرىن مەن يندۋستريا جانە ەنەرگەتيكا ءمينيسترى لاۋازىمىن اتقاردىم، سوندىقتان ءبىز ءداستۇرلى ەنەرگيا كوزدەرىنە تاۋەلدى بولماي، «جاسىل» تەحنولوگيالار مەن بالامالى ەنەرگيا كوزدەرىن دامىتۋ جانە ىلگەرىلەتۋدى العا قويۋمىز قاجەت. مىنا بىرەگەي مۇراجايدى كورىپ، مەن، قازاقستاننىڭ الدىڭعى قاتارلى ەلدەرمەن بىرگە دۇرىس باعىتتا كەلە جاتقانىن ءتۇسىندىم»، - دەپ وڭتۇستىك كورەيالىق پارلامەنت سپيكەرى اتاپ ءوتتى.


كورەيالىق دەپۋتاتتار ەكسپو-2017 نىساندارىنا جوعارى باعا بەردى

سونداي- اق، وڭتۇستىك كورەيا ۇلتتىق اسسامبلەياسىنىڭ ءتوراعاسى ءوز ەلىنىڭ ەكسپو-2017 كورمەسىنە ءجىتى دايىندالىپ، «جاسىل» ەنەرگەتيكا سالاسىنداعى جاڭالىعىن ۇسىنعانىن ايتىپ كەتتى.

«قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ۇلتتىق پاۆيلونىمىزعا كەلگەنى ءبىز ءۇشىن ۇلكەن ابىروي. استانادا وتكەن كورمەنىڭ قازاقستان ەكونوميكاسىنىڭ دامۋىنا ۇلكەن سەرپىن بەرەتىنىنە سەنىمدىمىن»، - دەدى چون سە گيۋن.

ءوز كەزەگىندە ۇلتتىق كومپانيا باسقارما ءتوراعاسىنىڭ ورىنباسارى اللەن ءشايجۇنىسوۆ اسا قۇرمەتتى قوناققا كورمە مۇراسىنا قىزىعۋشىلىق تانىتىپ جانە كورەيانىڭ «ەكسپو-2017» كورمەسىنە قاتىسقانى ءۇشىن العىسىن ءبىلدىردى.


باستى سوزدەر: سئرتقئ ساياسات,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات