مايا مانەزا رەسمي تۇردە 2012-جىلعى وليمپيادانىڭ التىنىنان ايىرىلدى
«ءوزىمنىڭ، باپكەرلەرىم، وتباسىم مەن جاقتاستارىمنىڭ ۇلەسىنىڭ ارقاسىندا 6 جىل وتكەندە وليمپيادا ويىندارىنىڭ باس جۇلدەسى مەنىكى بولدى. بۇل التىن مەدال «تازا» سپورتتىڭ كۋاسى بولىپ تابىلادى. بۇل مەن ءۇشىن وتە ماڭىزدى»، - دەپ جازادى تەلەارنا جيراردىڭ ءسوزىن.
جيرار 63 كەلى سالماق دارەجەسىنە دەيىنگى ونەر كورسەتۋشى سپورتشىلار اراسىندا ءبىرىنشى بولدى. و باستا كانادالىق سپورتشى قولا مەدالدى يەلەنگەن ەدى. رەسەيلىك سۆەتلانا تسارۋكايەۆا كۇمىس مەدالىنەن، ال قازاقستاندىق مايا مانەزا التىن مەدالىنەن دوپينگ سىناماسىنىڭ وڭ ناتيجە بەرۋىنە بايلانىستى قاعىلعان ەدى.
ۇزاق ۋاقىتقا سوزىلعان سوت پروتسەستەرى تازا سپورتشىلارعا مەدالداردى ۇلەستىرۋ جۇمىستارى تاعى ءبىراز ۋاقىتقا سوزىلۋى مۇمكىن ەكەن. جيرارعا رەسمي تۇردە التىن مەدالدى تابىستاۋ كەيىنىرەك بولادى.
ەسكە سالايىق، 5- مامىردا مانەزا مەن زۋلفيا چينشانلو ەكى جىلعا، ال سۆەتلانا پودوبەدوۆا - 8 جىلعا سپورتتان شەتتەتىلگەن ەدى. ولار 2012-جىلى وليمپيادا ويىندارىندا جەڭگەن مەدالدارىنان ءتورت جىلدان سوڭ انىقتالعان دوپينگ سىناماسىنان كەيىن ايىرىلدى.