بيىل استانا - شۋچينسك باعىتىنداعى اقىلى جولدان 1 ميلليارد تەڭگە ءتۇستى
بۇل وتكەن جىلعى كورسەتكىشپەن سالىستىرعاندا %4 عا جوعارى. بىلتىر ءدال وسى ۋاقىتتا اقىلى جولمەن جۇرگەن كولىكتەردەن تۇسكەن قارجى - 964 ميلليون تەڭگە بولعان.
ايتا كەتەيىك، جينالعان قاراجات تولەم جۇيەسىن جەتىلدىرۋگە، جولدى كۇتۋگە جانە سەرۆيسكە جۇمسالادى. سونداي-اق تولەم بەكەتتەرىندە كەپتەلىس بولماۋى ءۇشىن جولاقىنى الدىن الا تولەۋ مۇمكىندىگى دە قاراستىرىلعان.
«ءبىرىنشى جولاق ارقىلى الدىن الا تولەم جاساپ وتكەن جولاۋشىلار، كولىك قۇرالدارى وتەدى. ولار كاسسا 24، كيۆي سەرۆيستەرى ارقىلى الدىن الا تولەم جاسايدى. الدىن الا تولەم كولىك قۇرالدارىنىڭ نومىرىنە ءتيىستى اقشا سالىنادى، كولىك قۇرالى ارنايى جولاققا كەلگەن كەزدە ءبىزدىڭ كامەرالارىمىز ولاردىڭ ءنومىرىن وقيدى، سودان كەيىن شلاگباۋم اشىلادى»، - دەدى «قاز اۆتو جول» ۇ ك ءبولىم باسشىسى جاندوس ءجۇنىسوۆ.
قازىر كۇرە جولداردى قىسقى ماۋسىمعا ازىرلەۋ جۇمىستارى قارقىندى ءجۇرىپ جاتىر. ماسەلەن، سولتۇستىك قازاقستان وبلىسىنداعى رەسپۋبليكالىق ماڭىزى بار جولداردىڭ جالپى ۇزىندىعى - 1468 شاقىرىم. بيىل مۇندا تاس جولداعى قاۋىپسىزدىك پەن تازالىقتى 204 ادام قاداعالايدى.