قازاقستان مەن بەلارۋس اراسىنداعى تاۋار اينالىمى 1 ميلليارد ا ق ش دوللارىنا جەتكىزىلمەك
قازاقستاندىق تاراپتى ق ر پرەمەر- ءمينيسترىنىڭ ءبىرىنشى ورىنباسارى اسقار مامين، بەلارۋس تاراپىن - ب ر پرەمەر- ءمينيسترىنىڭ ءبىرىنشى ورىنباسارى ۆاسيلي ماتيۋشيەۆسكيي باسقاردى. ۇ ا ك وتىرىسى بارىسىندا ساۋدا، ينۆەستيتسيا، ونەركاسىپ كووپەراتسياسى، اۋىل شارۋاشىلىعى، عىلىم جانە تەحنولوگيا، كولىك جانە لوگيستيكا سالالارىنداعى ەكىجاقتى ىنتىماقتاستىقتى دامىتۋ ماسەلەلەرى قارالدى. اسقار مامين قازاقستان مەن بەلارۋس اراسىندا ەۋرازيالىق ەكونوميكالىق وداقتاعى، كەڭەستىك كەڭىستىكتەگى ەلدەردى بىرىكتىرۋدەگى ىقپالداستىعى سەكىلدى بارلىق دەڭگەيدەگى مەملەكەتارالىق بايلانىستاردىڭ تابىستى جۇرگىزىلىپ كەلە جاتقاندىعىنا توقتالدى.
تاراپتار 2017 -جىلعى 7 اي قورىتىندىسى بويىنشا قازاقستان مەن بەلارۋس اراسىنداعى ساۋدا اينالىمىنىڭ ارتقاندىعىن ەرەكشە اتاپ ءوتتى. ماسەلەن، 2017 -جىلعى قاڭتار- شىلدە ارالىعىنداعى ساۋدا اينالىمى 313,7 ميلليون ا ق ش دوللارىن قۇراپ، وتكەن جىلدىڭ سايكەس مەرزىمىمەن سالىستىرعاندا 75,6 پايىز وسكەندىگى بايقالدى. «2020 -جىلدارعا قاراي ءبىزدىڭ ەلدەرىمىزدىڭ اراسىنداعى ساۋدا اينالىمىن 1 ميلليارد ا ق ش دوللارىنا جەتكىزۋىمىز كەرەك»، - دەپ اتاپ ءوتتى مامين.
ۇ ا ك قازاقستاندىق تاراپتىڭ تەڭ ءتوراعاسى ا. ءماميننىڭ ايتۋىنشا، قازاقستان مەن بەلارۋس مەملەكەتتەرىنىڭ ونەركاسىپ كووپەراتسياسى، كولىك- لوگيستيكالىق سەكتوردا، عارىش سالاسىندا، اگروونەركاسىپ كەشەنىندە، مادەني- گۋمانيتارلىق جانە عىلىمي- تەحنيكالىق سالالاردا بىرلەسكەن جوبالاردى تابىستى جۇزەگە اسىرۋعا الەۋەتى جەتكىلىكتى. تاراپتار قازاقستان مەن بەلورۋس اراسىنداعى كولىك- لوگيستيكالىق ىقپالداسۋدى دامىتۋداعى جانە شىعاراتىن ونىمدەردىڭ تۇرلەرىن كوبەيتىپ، اۋدانداستىرۋداعى ەكى جاققا دا ءتيىمدى ىنتىماقتاستىقتى ودان ءارى جالعاستىرۋعا ىقىلاس تانىتتى.
«سوڭعى جىلدارى ءوڭىرارالىق سەرىكتەستىكتەگى تۇراقتى ءوسىم بايقالادى»، - دەي كەلىپ ۆ. ماتيۋشيەۆسكي: «بۇگىنگى تاڭدا بەلارۋستە قازاقستاندىق ينۆەستيتسيانىڭ قاتىسۋىمەن 100-دەن استام كاسىپورىن قىزمەت ەتەدى. بەلارۋس تاراپى ينۆەستيتسيالىق جوبالار مەن ءوزارا ءتيىمدى ينۆەستيتسيالاردى ودان ءارى جۇزەگە اسىرۋعا جان- جاقتى قولداۋ كورسەتەدى»، - دەپ اتاپ ءوتتى.
تاراپتار مال ءوسىرۋ جانە وسىمدىك شارۋاشىلىعى، مەليوراتسيا جانە جەردى سۋلاندىرۋ سەكىلدى بىرلەسكەن جوبالاردى جۇزەگە اسىرۋ ءۇشىن، ىنتىماقتاستىقتىڭ بولاشاعى زور باعىتتارى بويىنشا بىرلەسكەن جۇمىس توبىن قۇرۋدىڭ مۇمكىندىگىن قاراستىردى. ونىڭ سىرتىندا، قازاقستاندىق كومپانيالاردىڭ اۋىل شارۋاشىلىعى ونىمدەرىن بر- عا، ال بەلارۋس ونىمدەرىن قر- عا جەتكىزۋ جايلارىن تالقىلادى. بيىلعى جىلعى قاراشادا قازاقستاننىڭ سىرتقى ساۋدا پالاتاسى مەن بەلارۋس ساۋدا- ونەركاسىپ پالاتاسى اراسىندا قازاقستان- بەلارۋس ىسكەرلىك كەڭەسىن قۇرۋ جونىندەگى كەلىسىمگە قول قويۋ جوسپارلانىپ وتىر. ۇكىمەتارالىق قازاقستان- بەلارۋس ساۋدا- ەكونوميكالىق كوميسسياسى (ۇاك) 13-وتىرىسىنىڭ قورىتىندىسى بويىنشا ءتيىستى حاتتاماعا قول قويىلدى. ق ر پرەمەر- ءمينيسترىنىڭ ءبىرىنشى ورىنباسارى اسقار مامين قاراعاندى وبلىسىنا ساپارى بارىسىندا «وڭتۇستىك- سولتۇستىك» اۆتوكولىك ءدالىزىنىڭ قاراعاندى- تەمىرتاۋ تەلىمىندەگى قۇرىلىس بارىسىنا ينسپەكتورلىق تەكسەرۋ جۇرگىزىپ، قۇرىلىس باسىندا كوشپەلى كەڭەس وتكىزدى. اتالمىش جوبا «نۇرلى جول» باعدارلاماسى اياسىندا جۇزەگە اسىرىلۋدا. 14 شاقىرىمدىق اۆتوجولدا جولدىڭ ۇستىڭگى جابىندىسى توسەلىپ، كولىكتىك جول ايىرىقتارىنىڭ قۇرىلىسى جۇرگىزىلۋدە. قۇرىلىس نىسانىن 2018 -جىلى پايدالانۋعا بەرۋ جوسپارلانىپ وتىر.
«قازىرگى تاڭدا جول قۇرىلىسىن جۇرگىزشىلەردىڭ الدىنداعى باستى مىندەت - جەرگىلىكتى تۇرعىنداردىڭ قاتىناۋىنا قيىندىق تۋعىزباي، جول تەلىمىن جاڭعىرتۋ جۇمىستارىن دەر كەزىندە ءارى ساپالى ەتىپ تاپسىرۋدى قامتاماسىز ەتۋ»، - دەپ اتاپ ءوتتى ا. مامين.
ا. مامين وڭىرگە ساپارى بارىسىندا «قازبەلاز» بك، تاۋ- كەن بايىتۋ قۇرال- جابدىقتارىن شىعاراتىن كاسىپورنى، اۆتوكولىك قۇرالدارىن وتەلگە شىعارۋ كەشەنى، جىلىنا 4 ميلليون ينەكسيالىق پرەپاراتتار قورابىن شىعارۋعا مۇمكىندىگى بار فارماتسيەۆتيكالىق كاسىپورىندارىندا بولىپ، جۇمىستارىمەن تانىستى.