نورۆەگيانىڭ تاۋەلسىز قورى 1 تريلليون دوللارعا دەيىن ءوستى

بريۋسسەل. قازاقپارات - نورۆەگيا تاۋەلسىز قورىنىڭ كولەمى الەمدىك قور نارىعىنىڭ ءوسۋى مەن دوللاردىڭ السىرەۋىنە بايلانىستى العاش رەت 1 تريلليون دوللارعا جەتتى، دەپ حابارلايدى «قازاقپارات» ح ا ا مەنشىكتى ءتىلشىسى.

 «قوردىڭ كۇندەردىڭ كۇنىندە 1 تريلليون دوللارعا جەتەتىنىن بىرەۋ كۇتتى دەپ ويلامايمىن. سەبەبى، مۇنايدان 1996 -جىلدىڭ مامىرىندا العاش رەت تابىس تۇسكەن ەدى»، - دەدى قوردىڭ اتقارۋشى ديرەكتورى ينگۆە سلينگستاد سەيسەنبى كۇنى.

 بۇل سوما نورۆەگيادا تۇراتىن 5,3 ميلليون ادامنىڭ ءارقايسىسىنا 192 مىڭ دوللاردى قۇرايدى. سونداي- اق، ەلدىڭ ۇكىمەتى قور كولەمىنىڭ 2025 -جىلعا دەيىن 10,5 تريلليون كرونعا (1,3 تريلليون دوللار) جەتەتىن كۇتۋدە.

 ايتا كەتەيىك، قور بولاشاق ۇرپاققا مۇناي مەن گازدان تۇسەتىن تابىستى باسقارۋ ءۇشىن 1996 -جىلى قۇرىلعان. ونىڭ اكتيۆتەرى 2002 -جىلدان بەرى 13 ەسەگە وسكەن. 2016 -جىلدىڭ سوڭىندا قور اكتيۆتەرىنىڭ جارتىسىنا جۋىعى سالىنعان ينۆەستيتسيانىڭ تابىستىلىعىن كورسەتتى.