بىشكەكتە اقشا بوپسالاۋمەن اينالىسقان 19 جاستاعى قىزدار ۇستالدى

  استانا. قازاقپارات - قىرعىز ءتارتىپ ساقشىلارى بىشكەك قالاسىنىڭ تۇرعىندارىنان جەكە مالىمەتتەرىن الەۋمەتتىك جەلىگە سالامىز دەپ قوماقتى سوما تالاپ ەتكەن ەكى قىزدى ۇستادى، دەپ حابارلايدى قازاقپارات كابار اگەنتتىگىنە سىلتەمە جاساپ.

بىشكەك قالاسىنىڭ ءى ءى ب تاراتقان اقپاراتقا سايكەس 20 - ءساۋىر كۇنى قالا تۇرعىنى ميليتسياعا حابارلاسىپ، ودان بەلگىسىز بىرەۋلەر 75 مىڭ سوم (357 مىڭ تەڭگە - اۆت. ) اقشا تالاپ ەتكەندىگىن ايتىپ شاعىمدانعان.

جەدەل تەرگەۋ جۇمىستارىنىڭ ناتيجەسىندە، ارنايى بوياۋلارمەن بەلگىلەنگەن 10 مىڭ سومدى بەرۋ كەزىندە 19 جاستاعى ەكى بويجەتكەن قىلمىس ۇستىندە قولعا ءتۇستى.

ولار ادامدار تۋرالى جەكە مالىمەتكە قول جەتكىزگەن سوڭ، دەرەكتەردى الەۋمەتتىك جەلىگە جاريالايمىز دەپ اقشا بوپسالاعان.

اتالعان فاكتى بويىنشا «بوپسالاۋ» بابىنا سايكەس قىلمىستىق ءىس قوزعالدى، كۇدىكتىلەر قاماۋعا الىندى.