قازاقستان ماشينا جاساۋ سالاسى ونىمدەرىن 17 ەلگە ەكسپورتتاماق
بۇل تۋرالى بۇگىن بۇل تۋرالى بۇگىن قازاقستان ماشينا جاساۋشىلارىنىڭ V فورۋمىندا ق ر پرەمەر-ءمينيسترىنىڭ ءبىرىنشى ورىنباسارى اسقار مامين ءمالىم ەتتى، دەپ حابارلايدى قازاقپارات.
ونىڭ اتاپ وتۋىنشە، قازاقستان ەڭ الدىمەن ەۋرازيالىق ەكونوميكالىق وداقتىڭ، ودان كەيىن قىتايدىڭ، ە ا ە و- عا كىرمەيتىن كورشى ەلدەردىڭ نارىقتارىن يگەرۋگە نيەتتى. ال 2020-جىلعا دەيىن 17 ەلدىڭ، ونىڭ ىشىندە ەۋروپالىق وداقتىڭ نارىعىنا ماشينا جاساۋ سالاسىنىڭ ونىمدەرىن شىعارا باستاماق.
بۇل رەتتە ءبىرىنشى پرەمەر-مينيستر ەۋروپالىق وداق نارىعىنا كىرۋ ءۇشىن كوپ جۇمىس اتقارۋ كەرەكتىگىن ايتىپ وتىر. دەگەنمەن، قازىردىڭ وزىندە جەكەلەگەن ونىمدەرگە ەۋروپالىق وداق ورگاندارىنان رۇقسات قاعازىن الىپ ۇلگەرگەن.
«بارلىق مۇمكىندىك بار. ەندى تەك جاڭا نارىقتاردى يگەرۋگە جۇمىس ىستەۋ قاجەت. ءار ۋاقىتتا ايتەۋىر ءبىر قيىندىقتارعا سىلتەمە جاساۋ، ارينە، ىڭعايلى. ءبىراق ول ءوندىرىستىڭ دامۋىنا جانە باسەكەگە قابىلەتتى بولۋعا كومەكتەسپەيدى. وسىعان بايلانىستى ۇكىمەتتىڭ اتىنان مىنانى ايتقىم كەلەدى. ءبىز وندىرۋشىلەرىمىزدەن كۇندەلىكتى جۇمىس ىستەۋگە جانە ماشينا جاساۋ سالامىزدىڭ باسەكەگە قابىلەتتىلىگىن دامىتۋ ءۇشىن كومەك بەرە الاتىن بارلىق ماسەلەلەردى شەشۋگە دايىنبىز»، - دەدى اسقار مامين.
اۆتور: مارلان جيەمباي