الماتىداعى مارافونعا 14 مىڭنان استام ادام قاتىسۋدا
«الماتى مارافونىنا» قاتىسۋشىلارىنا تابيعات تا بار جىلۋىن توگىپ، اسپاندا شوكىمدەي دە بۇلت بولعان جوق. ۇيىمداستىرۋشىلاردىڭ ايتۋىنشا، جارىس وتكەن كۇنى جىل سايىن اسپان شايداي اشىق.
«2018 -جىلى الدىمىزعا ءۇش قايىرىمدىلىق ماقسات قويىلعان. بۇل - «مەن سەنىمەن بىرگەمىن» ونكولوگيالىق اۋرۋى بار بالالارعا ارنالعان العاشقى حوسپيس. مۇندا اۋىر ناۋقاسقا شالدىققان بالالار مەديتسينالىق كۇتىمگە الىنىپ، تۋىستارىنىڭ جانىندا رۋحاني جانە پسيحولوگيالىق كومەككە قول جەتكىزەدى. سونىمەن قاتار ەكى بىردەي ارنايى (كوررەكسيالىق) مەكەمە، ينتەللەكتۋالدىق كەمىستىكتەرى بار بالالارعا ارنالعان مەكتەپ- ينتەرنات پەن ەسىك قالاسىنداعى كوزى ناشار بالالارعا ارنالعان №6 مەكتەپ- ينتەرنات. العاشقى جينالعان جارنالىق قارجىعا سپورت الاڭدارى سالىنادى»، - دەدى «الماتى مارافوننىڭ» ديرەكتورى سالتانات قازىبايەۆا.
بيىل «الماتى مارافونى» ءداستۇرلى تۇردە 3, 10 شاقىرىمعا (جۇگىرۋ جانە سكانديناۆيالىق ءجۇرىس) ، نەمەسە 21, 42,2 شاقىرىمعا (جالعىز جانە ەستافەتالىق كوماندا) جۇگىردى. AIMS جانە IAAF سەرتيفيكاتتاۋدان وتكەندەرگە جاڭارتىلعان باعىتتار بويىنشا جۇگىرۋ ۇسىنىلدى. سەرتيفيكات 5 جىل بويى 2023 -جىلعا دەيىن جارامدى.
جارىستىڭ مارەسى مەن سورەسى جاڭا الاڭدا ورنالاسقان. داستۇرگە سايكەس جۇگىرۋ بارىسىندا مارافونشىلارعا سۋ جانە جاڭعاق، بانان سياقتى سياقتى تىسكەباسار ۇسىنىلادى. ال مارەگە جەتكەندەرگە سۋدان باسقا الكوگولسىز سىرا بەرىلەدى.
سونىمەن قاتار، بەلگىلى ءبىر قاتىسۋشىنىڭ جانكۇيەرلەرى ونلاين تارتىبىندە مارافونشى ءجۇرىپ وتكەن قاشىقتىقتى ءبىرىڭعاي قاداعالاۋ جۇيەسى ارقىلى قاداعالاپ وتىراتىن يننوۆاتسيالار دا بار. ولار 21 جانە 42 ك م قاشىقتىقتا جۇگىرۋشىلەرگە ماسساج قىزمەتىن دە كورسەتەدى.
بيىلعى جۇلدە قورى 1,9 ميلليون تەڭگەنى قۇرايدى. قاشىقتىقتى اياقتاعان بارلىق قاتىسۋشىلار مەدال تاپسىرىلادى، ال الىس قاشىقتىقتىڭ جەڭىمپازدارى مەدال مەن قاتار اقشالاي سىيلىققا يە بولادى.
وسىعان بايلانىستى ءبىرقاتار كوشەلەردەگى قوزعالىس ۋاقىتشا توقتاتىلدى، كوشەلەردەگى قوزعالىس ساعات 14:30-دا قالپىنا كەلەدى.
