بىرىككەن ۇلتتار ۇيىمىنا رەفورما جۇرگىزۋدى قولداۋعا 142 ەل كەلىستى

None
None
استانا. قازاقپارات - بىرىككەن ۇلتتار ۇيىمىن (ب ۇ ۇ) رەفورمالاۋعا قولداۋ بىلدىرۋگە كەلىسكەن الەمنىڭ 142 ەلىنىڭ اراسىندا ا ق ش، گەرمانيا، ۇلى بريتانيا مەن جاپونيا دا بار. بۇل تۋرالى رەسمي قۇجات ب ۇ ۇ جانىنداعى ا ق ش ديپلوماتيالىق ميسسياسىنىڭ سايتىندا جاريالاندى.

دەكلاراتسياعا قول قويعان مەملەكەتتەر ب ۇ ۇ باس حاتشىسى انتونيو گۋتتەريشتى رەفورما پروتسەسىنە جەتەكشىلىك ەتۋگە شاقىرعان. ون تارماقتان تۇراتىن قۇجاتتا ۇيىمعا مۇشە ەلدەر اراسىندا ارىپتەستىكتى نىعايتۋ قاجەتتىگى، ولاردىڭ اراسىنداعى ۇيلەستىرۋدى جاقسارتۋدىڭ ءتۇرلى شارالارى تۋرالى ايتىلعان. سونىمەن بىرگە دەكلاراتسيا ب ۇ ۇ- داعى كادر ساياساتىن وڭتايلاندىرۋ ماسەلەسىن دە قوزعاعان.

БҰҰ Бас хатшысы Антонио Гутерриш (сол жақта) пен АҚШ президенті Дональд Трамп ұйымға реформа жүргізуге арналған жиынға қатысып отыр. Нью-Йорк, 18 қыркүйек 2017 жыл.

رەسەي بىرىككەن ۇلتتار ۇيىمىن (ب ۇ ۇ) رەفورمالاۋ جونىندەگى پروتسەسكە قاتىسۋدان باس تارتقان. بۇل تۋرالى دۇيسەنبى كۇنى جۋرناليستەرگە رەسەي مەملەكەتتىك دۋماسىنىڭ حالىقارالىق ىستەر بويىنشا كوميتەتىنىڭ ءتوراعاسى لەونيد سلۋتسكي مالىمدەگەن.

سەيسەنبىدە نيۋ- يورك قالاسىندا ب ۇ ۇ باس اسسامبلەياسىنىڭ جالپى تالقىلاۋىنا 130-دەن استام مەملەكەتتىڭ باسشىلارى قاتىسپاقشى. ا ق ش پرەزيدەنتى دونالد ترامپ العاش رەت ب ۇ ۇ مىنبەرىنەن سويلەيدى. بۇعان دەيىن ا ق ش مەملەكەتتىك حاتشىسى رەكس تيللەرسون ب ۇ ۇ- داعى سوزىندە ترامپ سولتۇستىك كورەيا ماسەلەسى جانە يرانمەن جاسالعان يادرولىق كەلىسىم جايلى ايتادى دەپ حابارلاعان.

ب ۇ ۇ باس اسسامبلەياسى اشىلار قارساڭدا ترامپ بيۋروكراتيا مەن ءتيىمسىز جەتەكشىلىك، وتە ۇلكەن قارجى شىعىنى، تىم كوپ قىزمەتكەر سانى - بىرىككەن ۇلتتار ۇيىمىن دامىتۋعا بوگەت بولىپ وتىر دەپ مالىمدەگەن.

www.azattyq.org

سوڭعى جاڭالىقتار