21:31, 16 - قاراشا 2017 | GMT +6
تۇركياداعى ۆان كولىنىڭ تۇبىنەن 13 - عاسىردىڭ قامالى تابىلدى
استانا. قازاقپارات - تۇركياداعى ۆان كولىن زەرتتەگەن ارحەولوگتار كومانداسى كولدىڭ تۇبىنەن قيراعان ءىرى قامالدى تاپتى.
عالىمداردىڭ باعالاۋىندا، ول 3000 جىل بۇرىن تۇرعىزىلعان، دەپ حابارلايدى Hurriyet daily news.
بۇل وزەندەگى سۋاستى ارحەولوگيالىق جۇمىستارى 10 جىلدان بەرى جۇرگىزىلىپ كەلەدى جانە كوپتەگەن جاڭالىقتاردىڭ اشىلۋىنا مۇمكىندىك بەردى. زەرتتەۋشىلەر ىلمەناقىشتار، وزگە دە سول زامانداعى قۇرالدار، مارجاندار مەن ۇزىندىعى 10 مەترلىك ستالاگميتتەر تاپتى. بۇل قامال وسى اۋماقتا ءبىزدىڭ زامانىمىزعا دەيىنگى XIII- VIII عاسىرلاردا مەكەندەگەن ۋرارتۋ پاتشالىعى كەزىندە سالىنعان. بەلگىلى ءبىر ۋاقىتتا كولدەگى سۋدىڭ دەڭگەيى جوعارىلاپ، جاعالاۋدا تۇرىپ جاتقان ادامدار قامالدى تاستاپ كەتۋگە ءماجبۇر بولعان.