الەمدەگى 12 ەڭ قىمبات تاعامدار مەن سۋسىندار

استانا. قازاقپارات - ءبىزدىڭ كۇندەلىكتى تۇتىناتىن تاعامدارىمىز مەيرامحاناداعى تاعامدارمەن مۇلدە سالىستىرۋعا كەلمەيتىنى راس.

الايدا ونداي مەيرامحانالاردىڭ وزىندە دە كەز كەلگەن ادام تاپسىرىس بەرۋگە مۇمكىندىگى جەتە بەرمەيتىن تاعامدار دا جوق ەمەس.

بارلىق ماسەلە باعاسىنا كەلىپ تىرەلەدى، ويتكەنى الەمنىڭ ەڭ قىمبات تاعامدارى مىڭداعان دوللارعا باعالانادى، سول سەبەپتى باقۋاتتى ادامنىڭ ءوزى دە (بۇل جەردە مۋلتيميلليونەر ەمەس) تاڭعى اسقا، نە بولماسا تۇسكى اس پەن كەشكى اسقا مۇنداي باعاداعى تاعامدارعا تاپسىرىس بەرە المايدى. وقىرمانداردىڭ اراسىندا، ءدال وسىنداي تاعامداردى اۋزىنا العان ادامدار بار ما ەكەن؟

بايشەشەك. تاڭ قالدىڭىز با؟ ءبىزدىڭ ۋاقىتىمىزدا ءدال مۇنداي دامدەۋىش التىننان دا قىمبات تۇراتىندىعىنا مەن دە تاڭ قالىپ وتىرمىن. بايشەشەك كۇلگىن ءتۇستى زاعىپىران گۇلدەرىنىڭ انالىعىنان جاسالادى. ءار گۇلدە وسىنداي ءۇش انالىق بولادى، ءجۇز گرامم دامدەۋىش دايىنداۋ ءۇشىن 50 مىڭ گۇل كەتەدى ەكەن. مۇنداي زاعىپىران گۇلدەرىنىڭ سانىمەن فۋتبول الاڭىن دا تولتىرۋعا بولادى. بايشەشەك دامدەۋىشىن الۋ ءۇشىن تەك قانا گۇلدەر كەرەك ەمەس، جۇمىسشىلار مەن لابوراتوريالىق قۇرالدار دا قاجەت. جارتى كيلوگرامم بايشەشەك 500 بەن 5000 دوللارعا دەيىن باعالانادى.

المازدى ۋىلدىرىق. بۇل بەكىرەدەن الىناتىن ۋىلدىرىقتىڭ اشىق ءتۇستى ءتۇرى. بالىقتىڭ جاسى نەعۇرلىم كارى بولسا، ودان الىناتىن ۋىلدىرىقتىڭ ءتۇسى دە ا ق شىل بولاتىنى بەلگىلى. قازىرگى تاڭدا بەكىرە تۇقىمداستار جوعارى باعالاناتىنى انىق، ويتكەنى ولاردىڭ سانى ازايىپ بارادى. بۇل ۋىلدىرىقتىڭ ءدامى دە ەرەكشە. ۋىلدىرىق سالاتىن ىدىستىڭ ءوزى ALMAS دەپ اتالادى جانە ول 24-كاراتتى التىننان جاسالعان، قىمبات ۋىلدىرىققا ساي جاسالعانداي. مۇنداي تاعامدى پيكاديللي كوشەسىندە ورنالاسقان Caviar House  جانە PRunier لوندون مەيرامحاناسىنان تاپسىرىس بەرە الاسىز. باعاسى -  ءبىر كيلوگرامى 50 مىڭ ا ق ش دوللارى.

اق تريۋفەل. بۇل تريۋفەل ءتۇرى سولتۇستىك يتاليادا وسەدى، جانە دە ونىڭ باعاسى جارتى كيلوگرامى 3 مىڭ دوللارعا دەيىن بارادى. ەڭ كوپ اقى تولەگەن ادام رەتىندە كازينو باسشىسى ستەنلي حو تانىمالدىلىققا يە، ول ءبىر جارىم كيلوگرامم اق تريۋفەلدەر ءۇشىن 330 مىڭ ا ق ش دوللارىن تولەگەن.

 مرامورلى ەتتەن جاسالعان بيفشتەكس. گۋرمانداردىڭ ەسەپتەۋى بويىنشا مرامورلى ەتتەن دايىندالعان بيفشتەكستەر ءيىسى مەن تەكستۋراسى جاعىنان ەرەكشەلەنەدى. ويتكەنى مۇنداي ەتتى تەك قانا "تودزيما" تۇقىمداس سيىرلار عانا بەرەدى جانە دە تەك قانا ارنايى كۇتىمدە وتىرعاندارى عانا، بارلىعى ەمەس. ولاردىڭ تاماقتانۋ قۇرامىنا سىرا دا ەنەدى. ا ق ش- تا مۇنداي ەتتىڭ نەگىزگى باعاسى جارتى كيلوگراممعا 40-150 دوللار كولەمىندە بولادى.

"المازدى" مارتيني. بىلايشا ايتقاندا بۇل قاراپايىم مارتيني، تەك بارمەن ءزايتۇن ورنىنا 1,6 كاراتتى بريلليانت سالىپ بەرەدى. ارينە، مارتيني ءدامى بريلليانتقا ساي بولۋى ءتيىس، سوندىقتان بۇل كوكتەيل باعاسى 16000 دوللاردى قۇرايدى. بۇل سۋسىندى جاپونيانىڭ توكيو قالاسىنداعى Ritz-Carlton وتەلىنەن ءدامىن تاتىپ كورۋ مۇمكىن.

Perrier Jouet Belle Epoque Blanc de Blanc شامپانى. Perrier Jouet Belle Epoque Blanc de Blanc الەمدەگى ەڭ قىمبات شامپان ارنايى سۇرىپتالعان جۇزىمدەردەن دايىندالادى، قولدان بويالعان بوتەلكەلەردە ساتىلادى، باعاسى 1,500 دوللاردى قۇرايدى.

Macallan Fine Rare Vintage ۆيسكيى. Macallan Fine Rare Vintage الەمدەگى ەڭ قىمبات ۆيسكيلەردىڭ ءبىرى. الەمگە بار بولعانى 85 بوتەلكەسى تاراتىلادى، ساقتالۋ مەرزىمى 30 -جىلدى قۇرايدى. 1 بوتەلكە باعاسى -  38,000 دوللار!

شوكولادتى تريۋفەلدەر. بۇل ارنايى ءتاتتى ا ق ش- تىڭ كوننەكتيكۋتا قالاسىنداعى Knipschildt Chocolatier قىزمەتكەرلەرىنىڭ قولىمەن جەكە دايىندالادى. ءمازىر Valrhona كاكاوسىنىڭ كوپ كولەمى مەن وزگە دە تاڭداۋلى ونىمدەردىڭ قوسىلۋىمەن دايىندالادى. تريۋفەلدىڭ ءبىر كيلوگرامى 6000 دوللاردى قۇرايدى.

Nino's Bellisima. بۇل پيسسا New York City تەز تاماقتانۋ مەيرامحانالارى جەلىسى ۇسىناتىن پيتستسالاردان وزگەشە. ونىڭ قۇرامىندا لوبستەر، تەڭىز شايانى ەتى جانە التى ءتۇرلى ۋىلدىرىق بار. ەگەر ءسىزدىڭ ارتىق 1000 دوللار كولەمىندە ا ق شاڭىز بولسا، ءدامىن تاتىپ كورۋىڭىزگە ابدەن بولادى.

"La Bonnotte" كارتوبى. الەمدەگى ەڭ قىمبات كارتوپتىڭ ءبىرى ءدال وسى "La Bonnotte" فرانسۋز كارتوبى سانالادى. جىل سايىن Noirmoutier ارالىندا ءدال وسىنداي جوعارى ساپالى كارتوپ وندىرىلەدى. كارتوپ ەگىستىكتەرى تەك قانا كورشى جاتقان تەڭىز بالدىرلارىمەن تىڭايتىلىپ وتىرادى. بۇل كارتوپتىڭ ءتۇرى جوعالىپ بارا جاتقان كارتوپ ءتۇرى بولىپ ەسەپتەلەتىندىكتەن، ونىڭ باعاسى ءبىر كيلوگرامى 500 دوللار كولەمىن قۇرايدى.

 Essen aka von Essen Platinum-داعى Club Sandwich سەندۆيچى. بۇل ءۇش قاباتتى سەندۆيچ سۇرىپتالعان بالاپان ەتىنەن، ۆەتچينادان، پىسىرلگەن 'quails' جۇمىرتقاسىنان جانە اق تريۋفەلدەن تۇرادى. قازىرگى كەزدە Cliveden, Berkshire-دە ساتىلادى. بالاپان ەتى (poulet de Bresse) «الەمنىڭ ءتورتىنشى گاسترونوميالىق عاجايىبىنا» جاتادى، اق تريۋفەلمەن ساندەلىپ، ايىنا مىڭنان اسا تاپسىرىس بەرىلىپ تۇرادى. كالوريالىعى 1182 نى قۇرايدى جانە مايدىڭ ۇلەس سالماعى -  1,8. بۇل اسا پايدالى تاعام ەمەس، دەگەنمەن دە وتە قىمبات. باعاسى -  100 فۋنت (45.4 گر) -  200 $- عا جۋىق تۇرادى.

تاعى دا كىم باعاسى جۇزدەگەن، ءتىپتى مىڭداعان دوللارعا باعالاناتىن تاعامدار مەن سۋسىنداردى اتاي الادى؟

 

 دەرەككوز: http://www.menslife.com