باقىتتى وتباسىنىڭ 10 ەرەجەسى

 استانا. قازاقپارات - ەكى جاس شاڭىراق كوتەرەردە «بولاشاعىمىز جارقىن، جانۇيامىز باقىتتى بولادى» دەگەن ويمەن وتباسىن قۇرادى. دەگەنمەن، قانشا جەردەن تىرىسسا دا، ولاردىڭ جولىندا بەلگىلى ءبىر قيىندىقتار كەزدەسەدى.

جاي عانا ولاردىڭ وتباسىنداعى العان تاربيەسىن الىپ كورەيىك. ەكەۋى دە وسى تاربيەنىڭ نەگىزىندە ءوز وتباسىلارىن قۇرعىسى كەلەدى. ياعني وزدەرى كورگەن وتباسى تاربيەسىن بىزگە ساي كەلەدى دەپ ويلايدى. ناتيجەسىندە ەكى جاستىڭ اراسىندا تۇسىنبەۋشىلىك ورنايدى. سوندىقتان ەكى جۇپتىڭ بەلگىلى ءبىر كوزقاراستارى مەن ءبىر- بىرىنە قويار تالاپتارى، باقىتتى جانۇيا بولۋداعى ەرەجەلەرى ءبىر جەردەن شىعۋى ءتيىس.

 1. ەڭ اۋەلى «وتباسى» ءسوزىنىڭ ماعىناسىن ءتۇسىنىپ الىڭىز. وتباسىن قۇرۋ -  ماحابباتتى ماڭگى ساقتاپ، سىيلاستىقتى كۇشەيتۋ دەگەن ءسوز. وتباسىن قۇرعاندا تەك ءوز مۇددەڭدى عانا ويلاۋعا بولمايدى، ءاربىر ءىس- ارەكەتتى ويلانىپ، ساراپتاۋ قاجەت.

 2. باقىتتى وتباسى سەلكەۋسىز سەنىمنەن تۇرادى. ادالدىق پەن شىنشىلدىقتىڭ شاڭىراقتا بەرىك ورىن الۋىن قاداعالاڭىز. سەبەبى باقىتتى وتباسى بۇل ەكەۋىن نەگىزگە الا وتىرىپ ءبىر- بىرىنە كوزسىز سەنەدى. سونىمەن قاتار ءبىر- بىرىڭىزگە اشىق، ەركىن اڭگىمە ايتۋدان قاشپاڭىزدار.

 3. جۇمىس پەن قىزمەتتىڭ وتباسىنسىز قۇنى جوق. ەگەر جۇمىسىڭىز وتباسىنا كوڭىل بولۋگە مۇرشا بەرمەيتىن بولسا، ىڭعايلى جاعىن قاراستىرۋ قاجەت. سەبەبى جۇمىس پەن قىزمەت ءسىزدى كەز كەلگەن ۋاقىتتا كەرەكسىز ەتىپ تاستاۋى مۇمكىن، ال وتباسىنا ءارقاشان قاجەتسىز.

 4. سابىر جانە سىيلاستىقپەن ءومىر سۇرۋگە بەيىمدەلۋ قاجەت. ەكەۋى دە ءسىزدىڭ وتباسىنداعى تىنىشتىق پەن تاتۋلىققا، بەرەكەگە، قىزمەت جاسايدى. ءتىپتى كەلىسپەي قالعان جاعدايدا ەرىنىڭ ايەلىمەن ساۋعالاسىپ، ايەلىنىڭ ورىنسىز سوزدەر ايتۋىنا شەك قويۋ قاجەت. بىرنەشە ساعات جەكە قالۋ ءسىزدىڭ اشۋىڭىزدى باسا تۇسەدى. ال كۇيەۋدىڭ مۇنداي ساتتە دوستارىنا نە اتا- اناسىنا بارعانى دۇرىس ەمەس. سونىمەن قاتار، ىشىمدىكتى اۋىزعا الۋ باستى قاتەلىك.

 5. ايەل ءوزىنىڭ ورنىن ءبىلىپ، ەرىن وزىنەن جوعارى قويۋى كەرەك. سەبەبى كۇيەۋىڭىزدى "ءپىرىم" دەپ ايالاي وتىرىپ، ءسىزدى "اسىل جارىم" دەپ ايتار جولعا جەتەلەيسىز. تاماعىن دامدىلەپ بەرىپ، جاعدايىن جاساۋ ارقىلى، ءسىزدى "وتباسىمنىڭ بەرەكەسىن كىرگىزىپ وتىرعان بەرەكەلى قوساعىم" دەگەن وي قالىپتاستىراسىز. سىرىمەن ءبولىسىپ، مۇڭىن تىڭداۋ ارقىلى جان دوسىنا، اقىل ايتار اقىلشىسىنا اينالاسىز.

 6. باقىتتى ەرلى- زايىپتىلار ءبىر- بىرىنە كوڭىل بولەدى. اسىرەسە ايەلدەر قاۋىمى وزىنە ەرەكشە كوڭىل بولگەندى، سىيلىق العاندى جاقسى كورەدى. سول سەكىلدى جىگىتتەر دە سۇيگەنىنەن جىلۋلىقتى، قامقورلىقتى قالايدى. ءبىر- بىرلەرىڭىزدىڭ جاعدايلارىڭىزدى جاساۋ ارقىلى، ومىرلەرىڭىزدىڭ جانداندىرۋ ءىسىن جاسايسىزدار.

 7. ورتاق كەلىسىم مەن ورتاق شەشىم. وتباسى -  قوس جۇرەكتىڭ وداعى. سوندىقتان كەز كەلگەن ماسەلە مەن قيىندىقتا بىرگە اقىلداسۋ مەن ءبىر- ءبىرىنىڭ ويىنا قۇلاق اسۋ، كوزقاراسىمەن ساناسۋ وداقتىڭ ورنىقتى، ورىندى بولۋىنا الىپ كەلەدى.

 8. سۇيگەن ادام كەشىرىمدى. ايەل مەن ەردىڭ كىشىپەيىلدىلىگى مەن مول تۇسىنىگى تۇسىنىسپەۋشىلىك اتاۋلىنىڭ كەز كەلگەنىنە توتەپ بەرە الادى. سونىمەن قاتار باقىتتى وتباسىداعى ەرلى- زايىپتىلار ءبىر- ءبىرىنىڭ كەز كەلگەن قاتەلىكتەرىن كەشىرە الادى. وتباسىندا تۇسىنىستىك پەن سەنىمدى باستى ورىنعا قويادى.

 9. جاقسى وتاناسى بولىڭىز. سەبەبى، وتباسىندا بارلىعى ايەلدىڭ قولىندا. ءۇي تىرلىگىن مىندەتسىمەي، تاۋ قوپارىپ جاتقانداي جاساماڭىز جانە كۇيەۋىڭىزگە تۇرمىستىق اۋىرتپالىقتى تۇسىرمەڭىز. سونىمەن قاتار ۇيدەگى كەڭىستىكتى ۇتىمدى ۇيلەستىرىڭىز. ءتاتتى تاعامىڭىز بەن تازا ءۇيىڭىز، جىلى قاباعىڭىز ءۇيدىڭ بەرەكەسىن كەلتىرەدى.

 10. ءوزارا تۇسىنەتىن ءازىل مەن جەكە مەرەكەلەرىڭىز بولسىن. وتباسى -  كىشكەنتاي عانا مەملەكەت. سوندىقتان ولاردىڭ ءوز ۇرانى، ءوز قۇپياسى، ءوز مەرەكەلەرى (العاش تانىسقان كۇن، ۇيلەنگەن كۇن، تۋعان كۇن) جانە وزدەرى عانا تۇسىنەتىن قالجىڭدارى بولۋى ءتيىس.

Massaget.kz