ءار تۋريست بارۋى ءتيىس قازاقستانداعى 10 جەر

None
None
 استانا. قازاقپارات - قازاقستان - الەمدەگى تۋريستىك ەلگە اينالۋ كەرەك جانە سول باعىتتا جۇمىس جاساپ جاتقان بىردەن- ءبىر مەملەكەت.

قازاقستانداعى تۋريزم ماسەلەسى بولاشاعى جارقىن، ەلدىڭ ەكونوميكاسى ءۇشىن ۇلكەن ۇلەس الىپ كەلەتىن سالا. بۇل اقپارات انىق بولۋ ءۇشىن قازىردىڭ وزىندە ەلىمىزدەگى تۋريستەر ءۇشىن جانە ەل ازاماتتارى ءۇشىن ومىرىندە ءبىر رەت بولسىن بولۋى كەرەك جەرلەر تۋرالى ءسوز قوعايمىز.



 ىلە الاتاۋى الاتاۋدىڭ كۇنگەي بەتى تاۋ سىلەمدەرىن جالعاپ جاتقان، جوتالار مەن جارتاستار مەكەنى. الماتى اۋماعىنان باستالىپ سوڭى قىرعىز ەلىنىڭ ىستىق كول ماڭىنا دەيىن سوزىلىپ جاتقان الاتاۋ، تۋريستەر ءۇشىن تاپتىرماس مەكەن. تازا اۋا، ءمولدىر بۇلاق، ءتۇرلى جەمىستەر مەن گۇلدەردىڭ، جان- جانۋارلاردىڭ مەكەنى.

 

قايىڭدى كولى قايىڭدى كولى -  الماتى وبلىسىندا ورنالاسقان، وسىدان ءبىر عاسىر بۇرىن جەر سىلكىنىسى جانە كوشكىن اسەرىنەن پايدا بولعان تابيعي كول. الماتىدان شىعىسقا قاراي بەت الساڭىز، 280 شاقىرىم جەردە ءسىز كورۋ كەرەك قايىڭدى كولى تۇر. تەڭىزدەن 1900 مەتر بيىكتىكتە ورنالاسقان. ءتۇرلى جىنىستى ورماندار مەن كوز تارتارلىق سۇلۋلىققا كوڭىل سەرگىتىپ قايتا الاسىز.

 

شارىن شاتقالى شارىن شاتقالىن بىلمەيتىن قازاقستاندىق جوق شىعار. تەك ءبىزدىڭ ەل ازاماتتارى عانا ەمەس، الەم ەلدەرى ءۇشىن دە بۇل اتاۋى تاڭسىق ەمەس. سەبەبى جىل سايىن الماتى وبلىسىنا كەلەتىن تۋريستەردىڭ كوپشىگىلى شارىن شاتقالىنا مىندەتتى تۇردە بارادى. عالىمداردىڭ زەرتتەۋىنشە شارىن شاتقالىنىڭ قالىپتاسۋ ۋاقىتى 12 ميلليون جىلعا تەڭ. بۇل ايماقتا وسىدان 25 ميلليون جىل بۇرىن پايدا بولعان اعاشتار بار.

 

كاتونقاراعاي شىعىس قازاقستانداعى ەڭ كەرەمەت، ەلىمىزدەگى ەڭ ءبىر ەرەكشە مەكەن. سەبەبى قاتونقاراعايدا ماڭگى جاسىل تارتىپ تۇراتىن شىرشالار مەن قاراعايلار القابى بار. ودان قالا بەردى وتاندىق جازۋشىلاردىڭ شىعارمالارىندا سۇلۋلىق بەينەسى رەتىندە سۋرەتتەلگەن كاتونقاراعايعا دەگەن تۋريستەردىڭ كەلۋى كوپ. ورالحان بوكەيدىڭ شىعارمالارىندا كوپتەپ كەزدەسەتىن، ءوزىنىڭ تابيعي سۇلۋلىعىمەن ەرەكشەلەنەتىن مەكەنگە بارعان دا، بارماعان دا ارمان.

 

بۋراباي اتىن اتاعان كەزدە كوڭىلدەن بۇرىن، جۇرەك تارتىپ كەتەتىن مەكەن. شارىن شاتقالىنان كەيىن اتاعى اتوي سالىپ تۇرعان مەكەن قازاقستانداعى ەڭ تۇراقتى كەلۋشىسى كوپ ايماق. دەمالىس ايماعى، ساياباقتار، اتى اڭىزعا اينالعان مۇسىندەر، تاستار، تاۋلارمەن قورشالعان مەكەنگە ساياحات جاساۋدان بۇرىن، سول جەردىڭ تاريحىن ەستىپ قايتۋدىڭ ءوزى ءبىر ماقتانىش.

 

مەركى قورعانى جامبىل وبلىسىنىڭ مەركى اۋماعىندا تەڭىز بەتىنەن 3 مىڭ مەتر بيىك جەردە ورنالاسقان «مەركى قورعانى» ەلدەگى ەڭ كەرەمەت جەرلەردىڭ ءبىرى. باستى ەرەكشەلىك مۇندا بال- بال تاستاردىڭ سان ءتۇرىن تاباسىز. بال- بال تاستار ءبىزدىڭ تاريحىمىزدان، شەجىرەمىزدەن، وتكەنىمىزدەن سىر شەرتەتىنىن ۇمىتپاڭىز.

 

كولساي تيان- شاننىڭ سولتۇستىك ايماعىندا ورنالاسقان كولساي دەمالىس ورنىن قازاقستاندىقتار جاقسى بىلەدى. الىس- جاقىن شەت ەلدەن دە كەلىپ دەمالاتىندار سانى كوپ. سەبەبى ونىڭ تاعى ءبىر ەرەكشە اتاۋىندا تۇر. كولسايدى شەتەلدىكتەر «تيان- شاننىڭ مونشاعى» دەپ اتايدى. مونشاققا ورانىپ جاتقان ورماندى، تاۋلى ايماقتىڭ قوناعى بولۋ دا باقىت.

 

 بالقاش كولى قازاقستانداعى 16 مىڭ شارشى مەتردى الىپ جاتقان ايماقتىڭ ەرەكشەلىگى بۇل جەر نۋلى ورمان، تاۋ سىلەمدەرىمەن ەرەكشەلەنبەيدى. بۇل جەردىڭ تابيعاتى كولىمەن، شالعىندا وسكەن وسىمدىكتەرىمەن كوز تارتادى. جىل سايىن بالقاش كولىنە كەلۋشى تۋريستەردىڭ سانى ارتىپ، ءقازىردىڭ وزىندە برەندكە اينالۋ ۇستىندە. ەلدىڭ دامۋى ونىڭ ەرتەڭىن قالىپتاستىرۋى. ەلىمىزدەگى تۋريزم سالاسىنىڭ دامۋىنا ءبىز اتاپ وتكەن ايماقتار ۇلكەن پايدا اكەلەدى. ال ولاردىڭ ۇزاق جاساۋى مەن قاۋىپسىزدىگى ءبىزدىڭ قولىمىزدا.

 

Massaget.kz

سوڭعى جاڭالىقتار